TALOGILEAK

2019-12-18                                                TALO EGUNA                                     HH3, HH4 eta HH5
                                                                   
                                               

Oraingo honetan Santo Tomas eguna gerturatzen ari dela eta  zientzia tailerretan taloak prestatzearekin goxatu dugu haurren etxekoen laguntzarekin.  Marian, Sara eta Pakita  Mila esker!!

Txokolatezko eta txistorrazko taloak. GOXO ZEIN GAZI IZUGARRI ONAK ZEUDEN!!!

2019-12-13 GURASUEN BISITA HH4

Kaixo familiak!

Pasa den astean, guraso batzuen bisita izan dugu eskolan! Baratzean Lorearen amarekin Galeseko Kale landarea ereiten aritu ginen, ea hurrengoan dastatzeko aukera izaten dugun! Bestalde, Oskar eta Eki Manterolaren gurasoak saxofoi eta zeharkako xirula jotzera etorri ziren, besteak beste Gabonetako kantak entsaiatuz.

Primeran pasatu dugu! Eskerrik asko gurasoei, zuen ilusio eta parte hartzeagatik!

19-11-22 IZOZTEA HH4-5 ZIENTZIA

Kaixo familiak!

Oraingo honetan izozgailua martxan jarri dugu eta uraren egoera ezberdinak esperimentatu ditugu, likido egoera eta solido egoera. Ederra sorpresa hartu duguna globoak apurtu eta bertan intsektuak azaldu direnean!! Gozatu argazkiekin!!

EUSKARAREN EGUNA

 Asteartean ospatu genuen Euskararen eguna, bisita polita izan genuen!!!

2019-11-26 ZUMAIA EZAGUTZEN -HH3

Gure herria ezagutuz ederki pasa genuen eguna, gure lehenengo egun osoko irteera!!!

2019-11-25 IPUIN KONTALARIA -HH3

Maite, Ekiren ama, etorri zaigu ipuinak kontatzea, adi, goxo eta oso gustura egon gara.

Mila esker.

2019-11-19 ESPERIMENTUA

HH3ko Mate-zientzi taillerrekoak 1.go esperimentua egin dugu.

Zer bihurtu zaigu arraultza?....A ze ustegabea!!!!

2019-11-15 UDAZKENA HH4

   Tailer desberdinetan udazkena lantzen aritu gara: kantak, olerkiak, seriazioak, eskulanak, jolasak, kontaketak, sailkapenak, hostoen erakusketa… Eta bukatzeko, denok elkarrekin UDAZKEN KEN KEN TXORIMALOA JANZTEN! ……. MARIZU txorimaloa osatu dugu, ea gure baratza ongi zaintzen duen!

2019KO URRIA- HOSTOEKIN JOLASTEN -HH2

Hostoak biltzera irten ondoren, hostoekin jolasean aritzeko aukera izan dugu.

Hostoak ukitu, usaindu, airera bota, txikitu, txikitzean egiten duten zarata entzun…. denetarik frogatu dugu. Oso ondo pasa dugu eta bukatzeko arte lan ederra egin dugu hosto erraldoi bat osatuz.

2019-11-13 ERIZAINA HH3B

Saioa erizaina, Nahiaren ama, etorri zaigu gelara eta nola sendatzen diren zauriak eta beste zenbait kontu ere erakutsi dizkigu.

Zenbat ikasi dugun jolasean!!!

Mila esker Saioa

2019-11-11 AIREA HH 4-5 ZIENTZIA

   Oraingo honetan airearekin esperimentatzen jardun dugu, gauza askotaz ohartu gara baina….dibertigarriena airearekin prestatu ditugun jolasak izan dira! Gozatu argazkiekin familia!

2019-11-4 KALABAZA BIZKOTXOA HH4-5 ZIENTZIA

     Kalabaza gora, kalabaza behera, ireki degu gure sukaldea. Gure sukaldari txikiak martxan hasi dira.

Lehendabiziko errezeta KALABAZA BIZKOTXOA izan da, osagaiak prestatu, nahastu eta labera! Ederra bizkotxoak atera direnak!!

Bukaeran onena….. UMMMMMM, ZE GOXOA!

2019-10-30 HH2KOAK UDAZKENEAN

Haizearen indarrez firin-faran hostoak dantzan hasi dira eta HH2koak parkera irten gara hostoak jasotzera. Goiz ezberdin bezain polita pasa dugu gure aurtengo lehen irteeran. Aurrerago kontatuko dizuegu zer egiten dugun jasotako hostoekin.

2019-10-28 UDAZKENEAN HAIZEAK FIU HH3

 

Udazkenean haizeak fiu!! fiu!! eta umeak poz – pozik hostoak biltzen.

Saskiak bete ondoren parkean gustura ibili ginen.

Michigandik Zumaiara

    Maialen eta Emyren gurasoak Michigango beraien kontutxoak kontatzera etorri zaizkigu. Ze gustura egon garen beraien ohiturak nolakoak ziren entzuten!! 

Beraiek egindako opilak janez amaitu dugu ongi etorria.

Mila esker familia!!

2019-10-25 EGOKITZAPENAK HH3

Hiru urtekoak taller guztiak deskubritu ondoren, bertako materialak manipulatuz eta gozatuz gustura gabiltza.

Irrikitan zaudete ezagutzeko??

ZATOZTE!!!!  Ongi etorriak izango zarete

11-X-31 ANIMEN GAUA, GAU BELTZA HH 3,4 eta 5

     Lehengo ohituretara bueltatuz, oraingo honetan zientzialariak kalabaza hustutzen jardun dugu.

Ze gustura pasatu dugun mamia eta haziak ateratzen!!

Dibertigarriena bukaeran gelditu zaizkigun aurpegiak!!

2019-10-25 SAN MIGELERA IRTEERA HH4

Azkenean, eguraldi zoragarriarekin gainera, San Migelera joateko eguna iritsi zen. Kantu-kantari abiatu ginen eta ibilbide osoan natura oso presente izan genuen: landareak, zuahaitzak, baratzak, animaliak...Gure udazkeneko erakusketa osatzeko hostoak, fruituak eta  perretxikoak ere batu genituen!!. San Migelen bertan, kanpai hotsak zenbatu eta bestelako hainbat jolas egiteko aukera ere izan genuen. Egun borobila benetan! Ea argazkiak gustukuak dituzuen!.

19-09-18 BARATZEAN LANDATZEN HH 4-5 ZIENTZIA

   

Aurten ere hasi gara baratzeko lanetan, Mari Karmen eta Bitoriano aiton amonak prestatu dira laguntzeko eta oraingo honetan tipulinak, porruak, azak, lonbardak,...aldatu ditugu. Ilusioz beterik eta fundamendu handiz laguntza honekin askoz ere errezago egingo zaigu guztia aurrera eramatea….Eskerrik asko bikote!!!

 

 

19-09-11 FLOTAZIOA HH 4-5 URTE ZIENTZIA

   Material desberdineak hartuta gure zientifiko txikiak beraien hipotesiak esaten hasi ziren eta ederrena ondoren ekinez konprobatu zituzten. Ezustekoak izan genituen eta baita harridura aurpegiak….baina halaxe da zientzia…..jakiteko pentsatu eta gehien gustatzen zaiena ekin egin behar. Bikain pasatu dugu!!!

   

  

OLARRU EGUNA

Gure herriko ohitura eta kultura indartzea da gure eskolako  helburuetako bat eta horretarako Olarruaren munduan murgiduak egon gara tailer desberdinetan ekintza desberdinak eginez.

.

19-09-04 HAZIAK EREITEN HH 4-5 URTE ZIENTZIA

 Gelako baratza bertikalak martxan jarri ditugu aurten ere. Gauza asko ikasi ditugu hazien inguruan: nondik ateratzen diren, nolakoak diren, ze usain duten, ze zapore duten, ereiteko prozesua nola den, etab.

 Espero degu laster batean erneko direla, joango gara kontatzen!

HH3 -URAZ GOZATZEN- 2019-06-19

                                      Ura goitik, ura behetik, ura izkina guztietatik.

                                      Pozik ibili gara elkarrekin.

                                      Ondo pasa oporretan!!!

                                      MUUAAAA!!!!!

10-06-07 OSTADARRA SORTZEN ETA IODOKIN NAHASKETAK-HH 5

    Hemem dituzue burutu ditugun azken esperimenduak. Beti bezala hipotesiak ateratzen jardun dugu. Batzutan asmatu, bestetan ez...baina garrantzitsuena bikain pasatzen dugula da!!!!

   

HH2 -MELA MELA JOLASEAN- 2019-06-18

                                                 Mela mela jolasean, algara batean

   

19-06-14 Amama Mari Karmenen erroskilak

Amama Mari Karmen; Shonen amama, erroskilak nola egiten dituen azaltzera eta prestatzera etorri zitzaigun. Haur asko izan arren pazientzia handiz azaldu zizkigun prozesu guztia eta kontu kontari aritu zen gurekin. Erroskilei bere etxeko lima ere bota genion, a ze usai goxoa zuena!! Bukaeran erroskilatxoak dastatu genituen, ze ederrak zeuden!!!

Eskerrik asko Mari Karmen eta nahi dezun arte. MUAK!!!

HH2 -EMANALDIA- 2019-06-12

          Tzunpa, tzunpa, tzunpa, tzun, oinak eta ipurdia astinduz, elkarrekin              dantzatuz ibili gera gu!!!

             

HH5 Ipuin Kontaketa 2019-6-11

   Oraingoan ipuin kontaketa izan dugu hizkuntza tailerrean. Iñaki, Martinen aita, etorri zaigu lehen gizakiei buruzko ipuina kontatzera. Ondoren marrazki bat eman digu margotzeko. Mila esker Iñaki!                                                                                                                                                                                                                                                                                                                                                                                                                                                                                                                                                                    

                                                                                                                                                                                                                                                                                                                                                      

HH2 - ARROA- 2019-06-07

     

                             Brum-Brum autobusean Arroara!!!

HH2- PAPERAREKIN JOLASTEN- 2019-06-05

 
    Oraingo honetan paper artean ibili gara goxo-goxo ezkutaketan. Ea aurkitzen nauzuen!!!

10-06-06 EKOGUNEAN HH 5URTE

Azkenean iritsi zen azken txangoa egiteko eguna, pasa den ostegunean eta gainera Ekogunera. Primeran pasa genuen, denetik eginez: landaren desberdinak usaindu; loreak dastatu; baratzean letxugak landatu eta ureztatu; etxabereak bisitatu eta bakoitzaren istorioak entzun. Eta bukatzeko, nola ez, bertako parke miresgarrian jolasteko aukera izan genuen. Egun borobila benetan!!!

HH3- AIZARNARA AUTOBUSEZ!

   Azkenean iritsi da gure irteerako eguna. Eguraldi onarekin naturaz gozatzeko aukera izan dugu. Animaliak ikusi, txerriak, katuak, oilarrak , oiloak, astoa… Kanpandorrreko kanpaiak nola mugitzen diren eta nolako soinua ateratzen duten. Hango ur ederra, zuhaitzak, baserri etxeak…Bazterrak arakatu, marraskiloekin jolastu… Zein ondo ibili garen!

HH2- MAZEDONIA FESTA - 2019-05-17

        Bakoitzak bere gustuko frutak eta koloreak aukeratuz osatu dugu ostadarra

PAPIROFLEXIA

Izaroren ama, Arri, etorri zaigu oraingoan bisitan. Papera tolestuz irudi ederrak diseinatzen erakutsi digu. Ederki ibili gara! Eskerrik asko Arri!!!!

HH 5 -IRINA ETA GATZAREKIN IRUDIAK- 19-05-10

   Ederra festa izan duguna!!! oraingo honetan kairaren amak, sarak, irina, gatza eta urarekin irudiak sortzeko orea nola egiten den erakutsi digu. a ze anabasa eta gozamena orearekin!!. baina kontuz, ez dira jateko apaintzeko baizik!!! oso politak atera zaizkigu eta oraindik politagoak lehortutakoan margotzen ditugunean. eskerrik asko sara aukera hau emateagaitik eta nahi dezun arte!

HH 2 TXOKOLATEAREKIN ESPERIMENTATZEN

   HIRUHILEKOA ONDO BUKATZEKO ARGITXOREKIN BATERA TXOKOLATEAREKIN ESPERIMENTATUZ FESTA GIROAN OSPATU DUGU.

UUMMM!!!!! ZE GOXOA!!!!!

 

HH 5URTE AMAMA LURDESEN PASTAK PRESTATZEN 19-04-10

    Atzo sukaldeko labea martxan jarri genuen berriro ere, Aimarren amama Lurdesen pasten errezeta burutzeko. Pausoz-pauso eta prepezioz azaldu zigun guztia. Dibertigarria izan zen forma desberdinetako moldeak erabiltzea eta gustagarriena, nola ez, bukaeran dastatzea!!! izugarri onak atera ziren.

Mila esker Lurdes eta nahi duzun arte!!!

HH 4. San Migelera irteera

    Eguraldi ederrak lagunduta egun pasa atsegina egin genuen San Migulen. Hemen ikus ditzakezue ateratako hainbat argazki.

HH5 INGURUKO BASERRIETARA IRTEERA

    Eguraldi zoragarriarekin eta mapa eskuartean dugula, poz-pozik atera ginen eskolatik. Ekin genion abenturari!

Kokatutako baserri eta inguru guztiak zeharkatu genituen, bi atsedenaldi eginez: hamaiketako Santa Klara baserrian eta bazkaria Endañetan. Benetan eskertzekoa da egin ziguten harrera eta azaldu zuten konfiantza, pazientzia… egun borobila eta ahaztezina! Beraien inguru paregabea, animali eta jolasekin izugarri ondo pasa genuen! Esker mila zuen eskuzabaltasunagatik!!

HHH5 UZTA JASO, PRESTATU ETA JAN!!! 19-03-29

Azkenean iritsi da eguna uzta jasotzekoa, gure baratzean pila bat porru eta ezin hobeak jaso ditugu. Porruak atera, garbitu eta  zenbatu ondoren...sukaldatzeko prest. Pazientziarekin, garbitu, txikitu eta porru salda izugarria atera zaigu!! On egin!!!

Forondara irteera! HH3 2019/03/22

Eguraldi ona aprobetxatuz, HH3-ko lagunek Forondara irteera egin genuen.

10:00ak aldera eskolatik atera ginen eta Forondara abiatu aurretik, parke batean geratu eta hamaiketakoa egin genuen bertan.

Indarrak hartuta Forondara abiatu ginen. Aldapatxoa igo eta iritsi ginen bertara! Bertan bazkaldu, asko jolastu eta primeran pasa ondoren, berako bideari ekin genion berriz ere.

Eskolara iritsi aurretik Endañetako parkean geldialdi bat egin genuen. Bertan, Argitxori abestu genion eta honek turutatxo batzuk eman zizkigun opari!

Eskerrik asko Argitxo!

SORTZEN ETA ESPERIMENTATZEN HH 5 URTE 19-03-15

   Oraingo honetan zientzia tailerrean sorkuntzari bidea eman diogu: Batetik, zazpi egunetan estalatitak sortu ditugu eta koloreak buruz behera jarriz atzekoz aurrera ikusi ditugu. Eta bestetik, puxikekin suziriak egin ditugu.  Benetan jarduera interesgarriak!!!

HH3KOAK PARKEAZ GOZATZEN

Otsaileko eguraldi ederrari esker, ostiral arratsaldeetan, Sagarbideko parke berrituaz eta Endañetako parkeaz gozatzera atera gara.

Naturarekin kontaktuan ederki pasa dugu, nahiz eta erabat zikindu garen.  Jolasetan gure gorputzak ematen dizkigun aukerak eta trebeziak probatzen aritu gara, emozioz beterik.

HH4. GURASO BISITAK

Otsailean  bisita ugari izan ditugu.Oso gurtura ibili gera eta  hemen sortu dugun bideotxoa.

Erizaina gure gelan

    Oraingoan  HH5D gelako Anneren ama etorri zaigu bisitan. Bera erizaina da eta bere lanbidearen berri eman digu. Fonendoskipioarekin bihotz taupadak entzun ditugu, haurrak erditzea nola izaten den ikasi dugu (epidural eta guzti), tripako mina eta  belarriko mina nola sendatzen diren ikusi dugu, eskaiola jartzen ikasi eta bizi izan dugu…  Eskerrik asko Leire!

ESPERIMENTATZEN HH5 URTE

   Benetan harrigarriak otsailean egin ditugun esperimenduak: kandelarekin, koloranteak erabiliz….botilan puxika puztuz…..zuloa eginez ura ez dela erortzen…….gezurra dirudi baina hala da gure ZIENTZIA!!!

GURASOEN BISITA

   Gurasoen bisita berri bat izan dugu. HH5C gelako Aratzen ama etorri zaigu hizkuntza tailerrera ipuin bat kontatu eta hainbat ekintza egitera. Ekintza hauek amaituta zientzia tailerrean jarraitzeko aukera izan dugu. Oso gustura egon gara! Mila esker Silvia

Guraso bisitak

     Azken egunotan arte tailerrean izan ditugun gurasoen bisiten berri emateko idazten dizuegu 

oraingoan.Mila esker!!!

PAPERAREKIN JOLASEAN (2019-02-28)

Otsailean elurrik egin ez duenez, guk sortu dugu elurra. IUFI!!!

Zumaiako joaldunen bisita

Haur hezkuntzara Zumaiako joaldun taldearen bisita izan dugu.Asko ikasi  eta gozatu dugu. Ostiralean gure txanda izango da.Mila esker taldeari.

Igor Galarraga

Z.I.G gelako Igor Galarraga  etorri zaigu bisitan.Bere gelan egiten diztuzten lanak erakutsi dizkigu eta saioari abestuz eman diogu bukera.

2019KO INAUTERIAK HH: TTUNTTURROAK EDO JOALDUNAK

TTUNTTURROAK EDO JOALDUNAK

Ituren eta Zubietako inauterietan agertzen dira.

Joaldunak bi herri hauetako bizilagun taldeak dira; beraien ezaugarri nagusia gerrian zintzarri handi parea lotuta eramatea da.

Zintzarria da Inauteri hauetako elementu nagusia.

Gerria astinduz, izugarrizko hotsa ateratzen diete zintzarrioi.

Binaka joaten dira ilaretan Joaldunak.

Ituren eta Zubietako joaldunen janzkera desberdina da. Iturengoek ardi larru doblea eta painelu gorriak daramatzate soinean;

Zubietakoek, ordea, ardi larru bakarra eta painelu urdina. Badago beste era bat ere talde hauek izendatzeko: Zanpantzarrak.

JANTZIA

• Azpiko gona txuria.
• Galtza urdinak (mahoizkoak, bakeroak, txandala....)
• Abarkak eta galtzerdi txuriak
• Zapi handi koloretsua
• Eskolan prestatutako oihala (eguna baino lehen etxera eramango dute)
• Txanoa (eskolan daukate)

BURUHANDIA EGIN DUGU!!!

Guztion artean lan eginez jolaserako buruhandia egin dugu arte tailerrean.Ederki pasa dugu!!

2019/02/07 Aitona Goioren emanaldia

HH3 urteko lagunek aitona Goioren bisita alaia izan genuen.

Errepertorio egoki eta eguneratua du aitonak eta kitarraren laguntzaz abesti eta dantza saioa izan genuen; Xalala-rikiri, maite zaitut, korro txirinbolo, zumaiako trena, ranroberra…

Horrez gain, Kitarra instrumentuaren azalpenak eman zizkigun eta bukatzeko ipuin polit bat entzun genuen eta ipuinaren kanta erakutsi zigun.

Eskerrik asko, Goio tarte goxo hori eskaintzeagatik.

Sagarbideko patioan. HH5

Eguraldi ona aprobetxatuz, HH5ekoak Sagarbideko jolastokira joan gara. Ederki ibili gara!!!

2019KO URTARRILAK 4 – SAN BLAS OPILAK -HH5

      GARAIAN GARAIKO KONTU, KANTU ETA JANARIEKIN GATOZ ORAINGOAN,  ANDONI SUKALDARIA, EKAINEN AITTA, ETORRI DA  ETA SAN BLASAK NOLA EGITEN DIREN PAUSOZ,PAUSO  ERAKUTSI DIGU, BAITA BESTE HAINBAT GAUZA BITXI  ERE. PROFESIONAL BATEN ESKUARTZEA  ANTZEMAN DA, OPILTXOAK IZUGARRIAK ATERA DIRA ETA!!!! ESKERRIK ASKO ANDONI ETA NAHI DUZUN ARTE!!!